2016 جىلعى 31 تامىز, الماتى قالاسى
تولەم جۇيەلەرىنە قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتاردى بەكىتۋ تۋرالى
«قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى, «تولەمدەر جانە تولەم جۇيەلەرى تۋرالى» 2016 جىلعى 26 شىلدەدەگى قازاقستان رەسپۋبليكاسىنىڭ زاڭدارىنا سايكەس, تولەم جۇيەلەرىنە قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتاردى بەلگىلەۋ ماقساتىندا قازاقستان رەسپۋبليكاسى ۇلتتىق بانكىنىڭ باسقارماسى قاۋلى ەتەدى:
1. قوسا بەرىلىپ وتىرعان تولەم جۇيەلەرىنە قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتار (بۇدان ءارى – تالاپتار) بەكىتىلسىن.
2. مىنالاردىڭ كۇشى جويىلدى دەپ تانىلسىن:
1) «تولەم جۇيەلەرىنە قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتاردى بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى № 269 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 7950 تىركەلگەن, 2012 جىلعى 8 جەلتوقساندا «ەگەمەن قازاقستان» گازەتىندە № 809-814 (27885) جاريالانعان);
2) «بانكتەردىڭ جانە بانك وپەراتسيالارىنىڭ جەكەلەگەن تۇرلەرىن جۇزەگە اسىراتىن ۇيىمداردىڭ تولەم جۇيەلەرىنە كىرۋىن قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتارىن بەكىتۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2012 جىلعى 24 تامىزداعى № 269 قاۋلىسىنا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسى ۇلتتىق بانكى باسقارماسىنىڭ 2016 جىلعى 28 قاڭتارداعى № 35 قاۋلىسى (نورماتيۆتىك قۇقىقتىق اكتىلەردى مەملەكەتتىك تىركەۋ تىزىلىمىندە № 13187 تىركەلگەن, 2016 جىلعى 14 ناۋرىزدا قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ «ادىلەت» اقپاراتتىق-قۇقىقتىق جۇيەسىندە جاريالانعان).
3. تولەم جۇيەلەرى دەپارتامەنتى (اشىقبەكوۆ ە.ت.) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن:
1) زاڭ دەپارتامەنتىمەن (سارسەنوۆا ن.ۆ.) بىرلەسىپ وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەۋدى;
2) وسى قاۋلىنى «قازاقستان رەسپۋبليكاسى ادىلەت مينيسترلىگىنىڭ رەسپۋبليكالىق قۇقىقتىق اقپارات ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورنىنا;
قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەنىنەن كەيىن كۇنتىزبەلىك ون كۇن ىشىندە «ادىلەت» اقپاراتتىق-قۇقىقتىق جۇيەسىندە رەسمي جاريالاۋعا;
قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەن كۇننەن باستاپ كۇنتىزبەلىك ون كۇن ىشىندە قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ مەملەكەتتىك تىزىلىمىنە, قازاقستان رەسپۋبليكاسى نورماتيۆتىك قۇقىقتىق اكتىلەرىنىڭ ەتالوندىق باقىلاۋ بانكىنە ەنگىزۋگە جىبەرۋدى;
3) وسى قاۋلى رەسمي جاريالانعاننان كەيىن ونى قازاقستان رەسپۋبليكاسى ۇلتتىق بانكىنىڭ رەسمي ينتەرنەت-رەسۋرسىنا ورنالاستىرۋدى قامتاماسىز ەتسىن.
4. قارجىلىق قىزمەتتەردى تۇتىنۋشىلاردىڭ قۇقىقتارىن قورعاۋ جانە سىرتقى كوممۋنيكاتسيالار باسقارماسى (تەرەنتەۆ ا.ل.) وسى قاۋلىنى قازاقستان رەسپۋبليكاسىنىڭ ادىلەت مينيسترلىگىندە مەملەكەتتىك تىركەلگەننەن كەيىن كۇنتىزبەلىك ون كۇن ىشىندە مەرزىمدى ءباسپاسوز باسىلىمدارىنا رەسمي جاريالاۋعا جىبەرۋدى قامتاماسىز ەتسىن.
5. وسى قاۋلىنىڭ ورىندالۋىن باقىلاۋ قازاقستان رەسپۋبليكاسىنىڭ ۇلتتىق بانكى توراعاسىنىڭ ورىنباسارى ع.و. پىرماتوۆقا جۇكتەلسىن.
6. وسى قاۋلى تالاپتاردىڭ 2017 جىلعى 1 قاڭتاردان باستاپ قولدانىسقا ەنگىزىلەتىن 58, 59, 60, 61, 62, 63 جانە 64-تارماقتارىن قوسپاعاندا, العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
ۇلتتىق بانك توراعاسى د. اقىشەۆ
قازاقستان رەسپۋبليكاسى ۇلتتىق بانكى باسقارماسىنىڭ
2016 جىلعى 31 تامىزداعى № 200 قاۋلىسىمەن بەكىتىلگەن
تولەم جۇيەلەرىنە قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە
باعدارلامالىق-تەحنيكالىق قۇرالدارعا قويىلاتىن تالاپتار
1-تاراۋ. جالپى ەرەجەلەر
1. تولەم جۇيەلەرىنە قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتار (بۇدان ءارى – تالاپتار) «قازاقستان رەسپۋبليكاسىنىڭ ۇلتتىق بانكى تۋرالى» 1995 جىلعى 30 ناۋرىزداعى (بۇدان ءارى – ۇلتتىق بانك تۋرالى زاڭ), «تولەمدەر جانە تولەم جۇيەلەرى تۋرالى» 2016 جىلعى 26 شىلدەدەگى
(بۇدان ءارى – تولەمدەر جانە تولەم جۇيەلەرى تۋرالى زاڭ) قازاقستان رەسپۋبليكاسىنىڭ زاڭدارىنا سايكەس ازىرلەندى جانە وپەراتورى ۇلتتىق بانك بولىپ تابىلاتىن تولەم جۇيەلەرىنە (بۇدان ءارى – تولەم جۇيەسى) قولجەتىمدىلىكتى قامتاماسىز ەتەتىن ۇيىمداستىرۋ شارالارىنا جانە باعدارلامالىق-تەحنيكالىق قۇرالدارعا قويىلاتىن تالاپتاردى ايقىندايدى.
تالاپ تولەم جۇيەسىن پايدالانۋشىنىڭ جۇمىس ورنىن ورنالاستىرۋدان, تولەم جۇيەسىن پايدالانۋشىنىڭ جانە «قازاقستان رەسپۋبليكاسى ۇلتتىق بانكىنىڭ قازاقستان بانكارالىق ەسەپ ايىرىسۋ ورتالىعى» شارۋاشىلىق جۇرگىزۋ قۇقىعىنداعى رەسپۋبليكالىق مەملەكەتتىك كاسىپورىننىڭ (بۇدان ءارى – ورتالىق) ءوزارا ءىس قيمىلىنان, تولەم جۇيەسىنىڭ تەرمينالىنان, نەگىزگى اقپاراتتان, تولەم جۇيەسىن پايدالانۋشىنىڭ جۇمىس ورنىنا قويىلاتىن تالاپتاردان, قىزمەت كورسەتەتىن قىزمەتكەردىڭ جۇمىسىن ۇيىمداستىرۋدان, وپەراتسيالىق تاۋەكەلدى باسقارۋعا جانە تولەم جۇيەسىن پايدالانۋشى قىزمەتىنىڭ ۇزدىكسىزدىگىن قامتاماسىز ەتۋگە قويىلاتىن تالاپتاردان تۇرادى.
2. تالاپتار تولەم جۇيەسىنىڭ بارلىق پايدالانۋشىلارىنا قولدانىلادى.
3. تالاپتاردا تولەمدەر جانە تولەم جۇيەلەرى تۋرالى زاڭدا كوزدەلگەن ۇعىمدار جانە مىناداي ۇعىمدار پايدالانىلادى:
1) اۋتەنتيفيكاتسيا - تولەم جانە اقپاراتتىق حابارلارمەن الماسۋ كەزىندە جۇيەنى پايدالانۋشىلاردىڭ قاتىسۋ تۇپنۇسقالىلىعىن راستاۋعا, سونداي-اق تولەم جانە اقپاراتتىق حابارلاردىڭ تۇپنۇسقالىلىعىن راستاۋعا ارنالعان شارالار كەشەنى;
2) كۋالاندىراتىن ورتالىق – ەلەكتروندىق تسيفرلىق قولتاڭبانىڭ اشىق كىلتىنىڭ ەلەكتروندىق تسيفرلىق قولتاڭبانىڭ جابىق كىلتىنە سايكەستىگىن كۋالاندىراتىن, سونداي-اق تىركەۋ كۋالىگىنىڭ دۇرىستىعىن راستايتىن زاڭدى تۇلعا;
3) كىرۋدى باقىلاۋ قۇرالدارى - تەحنيكالىق, باعدارلامالىق نەمەسە وبەكتىلەرگە كىرۋ تۋرالى اقپاراتتى تىركەۋگە مۇمكىندىك بەرەتىن باسقا قۇرالدار;
4) نەگىزگى اقپارات – كريپتوگرافيالىق كىلتتەر (اشىق جانە جابىق) نەمەسە اقپاراتتى كريپتوگرافيالىق قايتا وزگەرتۋدى جۇزەگە اسىرۋعا مۇمكىندىك بەرەتىن باسقا اقپارات;
5) وپەراتسيالىق تاۋەكەل – اقپاراتتىق جۇيەلەردىڭ جۇمىسىنداعى نەمەسە ىشكى پروتسەستەردەگى بۇزۋشىلىقتارمەن, قاتەلەرمەن, تولەم جۇيەسىن باسقارۋداعى ىركىلىستەرمەن نەمەسە بۇزۋشىلىقتارمەن بايلانىستى, ونىڭ ىشىندە سىرتقى وقيعالاردىڭ سالدارىنان بولعان تاۋەكەل;
6) رۇقساتسىز كىرۋ – قازاقستان رەسپۋبليكاسىنىڭ زاڭناماسىن, سونداي-اق وعان كىرۋدىڭ تولەم جۇيەسىن پايدالانۋشى بەلگىلەگەن ءتارتىبىن بۇزا وتىرىپ اقپاراتتىق جانە باعدارلامالىق رەسۋرستارعا كىرۋ;
7) رۇقساتسىز كىرۋدەن قورعايتىن باعدارلامالىق-اپپاراتتىق كەشەن – دەربەس كومپيۋتەردى بوتەن ادامداردىڭ پايدالانۋىنان, سونداي-اق تىركەلگەن پايدالانۋشىلاردىڭ اقپاراتتىق جانە باعدارلامالىق رەسۋرستارعا كىرۋ بويىنشا وكىلەتتىكتەرىن شەكتەۋگە ارنالعان قورعاۋ جۇيەسى;
8) ستاندارتتى ەمەس جاعداي – وپەراتسيالىق تاۋەكەلدى ىسكە اسىرۋ سالدارىنان تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىنىڭ جۇمىسىنداعى ىركىلىستەر (بۇزۋشىلىقتار);
9) تولەم جۇيەسىن پايدالانۋشى – ورتالىقپەن تولەم جۇيەسىندە قىزمەت كورسەتۋ تۋرالى شارت جاساعان زاڭدى تۇلعالار جانە باسقا تولەم جۇيەلەرىنىڭ وپەراتورى (وپەراتسيالىق ورتالىعى);
10) تولەم جۇيەسىن پايدالانۋشىنىڭ اقپاراتتىق جۇيەسى – تولەم جۇيەسىن پايدالانۋشى تولەم جۇيەسىنىڭ تەرمينالى ارقىلى ودان ءارى تولەم جۇيەسىنە جىبەرۋگە ارنالعان ەلەكتروندىق قۇجاتتاردى قالىپتاستىرۋ نەمەسە تۇرلەندىرۋ ءۇشىن پايدالاناتىن باعدارلامالىق قامتاماسىز ەتۋ;
11) تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنى – تولەم جۇيەسىن پايدالانۋشىنىڭ تولەم جۇيەسىندە جۇمىس ىستەۋىن قامتاماسىز ەتەتىن, تولەم جۇيەسىن پايدالانۋشىنىڭ اقپاراتتىق جۇيەسىن, جۇمىس ورنىن, تولەم جۇيەسىمەن كوممۋنيكاتسيا (دەرەكتەر بەرۋ) قۇرالدارىن قامتيتىن تەحنيكالىق, باعدارلامالىق نەمەسە باسقا قۇرالدار;
12) تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىنىڭ نەگىزگى ورتالىعى (بۇدان ءارى – نەگىزگى ورتالىق) – تولەم جۇيەسىن پايدالانۋشىنىڭ تولەم جۇيەسىندە ادەتتەگى (كۇندەلىكتى) رەجىمدە جۇمىس ىستەۋىن قامتاماسىز ەتەتىن تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنى;
13) تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىنىڭ رەزەرۆتىك ورتالىعى (بۇدان ءارى – رەزەرۆتىك ورتالىق) – تولەم جۇيەسىن پايدالانۋشىنىڭ ستاندارتتى ەمەس جاعدايلار تۋىنداعان نەمەسە نەگىزگى ورتالىقتا جوسپارلى تەست جۇمىستارى جۇرگىزىلگەن كەزدە تولەم جۇيەسىن پايدالانۋشىنىڭ تولەم جۇيەسىندە جۇمىس ىستەۋىن قامتاماسىز ەتەتىن رەزەرۆتىك باعدارلامالىق-تەحنيكالىق كەشەنى;
14) تولەم جۇيەسىن پايدالانۋشىنىڭ جۇمىس ورنى – تولەم جۇيەسىنە قولجەتىلىمدىلىكتى قامتاماسىز ەتەتىن تولەم جۇيەسىنىڭ تەرمينالى ورناتىلعان دەربەس كومپيۋتەر (سەرۆەر);
15) تولەم جۇيەسىن پايدالانۋشىنىڭ جۇمىس ورنىن باسقارۋشى – تولەم جۇيەسىنىڭ تەرمينالىن باسقارۋدى تىكەلەي جۇزەگە اسىراتىن ادام;
16) تولەم جۇيەسىن پايدالانۋشىنىڭ جۇمىس ورنىنىڭ قاۋىپسىزدىك وفيتسەرى – تولەم جۇيەسىن پايدالانۋشىنىڭ جۇمىس ورنىندا اقپاراتتى رۇقساتسىز كىرۋدەن قورعايتىن باعدارلامالىق-اپپاراتتىق كەشەندى, اقپاراتتى ەلەكتروماگنيتتى ارنالار بويىنشا جاريا بولۋدان قورعايتىن قۇرالداردى ورناتۋدى جانە ونىڭ جۇمىس ىستەۋىن قامتاماسىز ەتەتىن, سونداي-اق ولاردىڭ جۇمىس قابىلەتتىلىگىن جانە قاۋىپسىزدىك تالاپتارىنىڭ ورىندالۋىنىڭ مونيتورينگىن جۇزەگە اسىراتىن ادام;
17) تولەم جۇيەسىن پايدالانۋشىنىڭ جۇمىس ورنىنىڭ وپەراتورى – تولەم جۇيەسىن پايدالانۋشىنىڭ نەگىزگى اقپاراتىن پايدالانا وتىرىپ, تولەم جۇيەسىنىڭ حابارلارىن دايىنداۋدى, بەرۋدى جانە قابىلداۋدى, سونداي-اق ورتالىقتىڭ كۋالاندىراتىن ورتالىعىندا تولەم جۇيەسىن پايدالانۋشىنىڭ جۇمىس ورنىنىڭ قاۋىپسىزدىك وفيتسەرىنىڭ قاتىسۋىمەن نەگىزگى اقپاراتتى ازىرلەۋدى جانە تىركەۋدى تىكەلەي جۇزەگە اسىراتىن ادام;
18) تولەم جۇيەسىن پايدالانۋشىنىڭ قاۋىپسىزدىك بولىمشەسى – تولەم جۇيەسىن پايدالانۋشىنىڭ اقپاراتتىق جانە باعدارلامالىق رەسۋرستارىنىڭ قاۋىپسىزدىگى مەن ولاردىڭ قورعالۋىن قامتاماسىز ەتەتىن تولەم جۇيەسىن پايدالانۋشىنىڭ قۇرىلىمدىق بولىمشەسى;
19) تولەم جۇيەسىنىڭ تەرمينالى – تولەم جۇيەسىن پايدالانۋشىدا ورناتىلعان, تولەم جۇيەسىنە قولجەتىمدىلىكتى قامتاماسىز ەتەتىن ارنايى باعدارلامالىق قامتاماسىز ەتۋ;
20) تولەم جۇيەسى تەرمينالىنىڭ قوسىمشاسى – تولەم جۇيەسىنىڭ تەرمينالىمەن قاشىقتىقتان جۇمىس ىستەۋگە ارنالعان ارنايى باعدارلامالىق قامتاماسىز ەتۋ.
4. تولەم جۇيەسىندە قولدانىلاتىن حابارلارمەن الماسۋ راسىمدەرىن جانە فورماتتارىن ورتالىق قازاقستان رەسپۋبليكاسىنىڭ ۇلتتىق بانكىمەن (بۇدان ءارى – ۇلتتىق بانك) كەلىسە وتىرىپ بەلگىلەيدى.
2-تاراۋ. تولەم جۇيەسىن پايدالانۋشىنىڭ جۇمىس ورنىن ورنالاستىرۋ
5. تولەم جۇيەسىن پايدالانۋشىنىڭ جۇمىس ورنى تولەم جۇيەسىن پايدالانۋشىنىڭ ورنالاسقان جەرى بويىنشا كىرۋى شەكتەۋلى ءۇي-جايدا (بۇدان ءارى – ءۇي-جاي) ورنالاستىرىلادى. تولەم جۇيەسىن پايدالانۋشىنىڭ جۇمىس ورنى وپەراتورلارىنىڭ فۋنكتسيالارىن ورىندايتىن قىزمەتكەرلەردىڭ جۇمىس ورىندارىن قوسپاعاندا, ءۇي-جايدا تولەم جۇيەسىمەن جۇمىس ىستەۋگە ارنالماعان جۇمىس ورىندارىن ورنالاستىرۋعا جول بەرىلمەيدى.
6. ءۇي-جاي مەحانيكالىق جانە (نەمەسە) ەلەكترومەحانيكالىق ق ۇلىپتار ورناتىلاتىن مەتالل جانە (نەمەسە) كىرۋدەن قورعايتىن كۇشەيتىلگەن كىرەتىن ەسىكتەرىمەن جابدىقتالادى.
7. ءۇي-جايدىڭ ەسىكتەرى ناقتى ۋاقىت جانە ءۇي-جايعا كىرۋ وقيعالارىن ەلەكتروندىق جۋرنالعا جازۋ رەجىمىندە ءۇي-جايعا كىرۋ وقيعالارى تۋرالى ەسەپ الۋعا مۇمكىندىك بەرەتىن ءۇي-جايعا كىرۋ وقيعالارىنىڭ مونيتورينگىن جۇرگىزۋگە ارنالعان كىرۋدى باقىلاۋ قۇرالدارىمەن جابدىقتالادى. تولەم جۇيەسىن پايدالانۋشى ەلەكتروندىق جۋرنالداعى وقيعالار مۇراعاتىن كەمىندە التى اي ساقتايدى.
8. تولەم جۇيەسىن پايدالانۋشىنىڭ جۇمىس ورنى اقپاراتتى ەلەكتروماگنيتتى ارنالارمەن جاريا بولۋدان قورعايتىن قۇرالدارمەن نەمەسە ساندىق ينتەرفەيسپەن قوسىلعان سۇيىق كريستالدى مونيتورمەن قامتاماسىز ەتىلەدى.
9. ءۇي-جاي ءۇيدىڭ ءبىرىنشى جانە سوڭعى قاباتتارىندا ورنالاسقان, سونداي-اق تەرەزەلەردىڭ جانىندا بالكوندار, ءورت كەزىندە پايدالانىلاتىن ساتىلار, وزگە دە قۇرىلىستاردىڭ شاتىرلارى جاقىن تۇرعان جاعدايدا, ءۇي-جايدىڭ تەرەزەلەرى تەرەزەنىڭ اينەكتەرىن سىندىرىپ, ءۇي-جايعا ناقتى كىرىپ كەتۋدى بولدىرماۋعا ارنالعان مەتالل تورلارمەن نەمەسە سوعان ۇقساس قورعاۋ قۇرالدارىمەن جابدىقتالادى.
10. ءۇي-جايدىڭ ەسىكتەرى مەن تەرەزەلەرى كۇزەت سيگناليزاتسياسىمەن جابدىقتالادى.
11. ءۇي-جايعا كىرەتىن جەردە, سونداي-اق تولەم جۇيەسىن پايدالانۋشىنىڭ جۇمىس ورنىندا بەينەبەلگىلەردى جازىپ الۋ مۇمكىندىگى بار بەينەباقىلاۋ ورناتىلادى. وبەكتىلەردىڭ قوزعالىسىنا بەينەبەلگىلەردىڭ جازىلۋىنىڭ ىسكە قوسىلۋىنا جول بەرىلەدى. جازىلعان بەينەبەلگىلەر مۇراعاتى تولەم جۇيەسىن پايدالانۋشىنىڭ ىشكى قۇجاتتارىندا بەلگىلەنگەن تولەم جۇيەسىن پايدالانۋشىنىڭ جۇمىس ورنىنىڭ جۇيەلىك بلوگىنداعى مورلەردىڭ نەمەسە پلومبالاردىڭ بۇتىندىگىن باقىلاۋ كەزەڭىنەن از بولمايتىن ۋاقىتقا ساقتالادى.
12. ءۇي-جايعا كىرۋ رۇقساتى تولەم جۇيەسىندە جۇمىس ىستەۋگە رۇقسات بەرىلگەن ادامداردا بولادى. تولەم جۇيەسىندە جۇمىس ىستەۋگە رۇقساتى جوق ادامداردىڭ ءۇي-جايعا كىرۋىنە, ستاندارتتى ەمەس جاعدايلار تۋىنداعان جاعدايلاردى قوسپاعاندا, تولەم جۇيەسىندە جۇمىس ىستەۋگە رۇقسات بەرىلگەن ادامنىڭ قاتىسۋىمەن عانا جول بەرىلەدى.
13. تولەم جۇيەسىنە كىرۋگە رۇقسات العان پايدالانۋشىنىڭ تولەم جۇيەسىن پايدالانۋشىنىڭ جۇمىس ورنىن جاساعان نەمەسە تولەم جۇيەسىن پايدالانۋشىنىڭ جۇمىس ورنىن جاڭا جەرگە اۋىستىرعان كەزدە, تولەم جۇيەسىن پايدالانۋشىنىڭ جۇمىس ورنى ىسكە قوسىلعان كۇننەن باستاپ ون جۇمىس كۇنى ىشىندە تولەم جۇيەسىن پايدالانۋشى بۇل جونىندە ۇلتتىق بانكتى ەرىكتى جازباشا نىساندا حاباردار ەتەدى.
3-تاراۋ. تولەم جۇيەسىن پايدالانۋشىنىڭ جانە ورتالىقتىڭ ءوزارا ءىس-قيمىلدارى
14. تولەم جۇيەسىن پايدالانۋشىنىڭ جانە ورتالىقتىڭ اۋتەنتيفيكاتسياسى ورتالىقتىڭ كۋالاندىراتىن ورتالىعىندا تىركەلگەن اقپاراتتى جانە نەگىزگى اقپاراتتى كريپتوگرافيالىق قورعاۋ قۇرالدارى پايدالانىلا وتىرىپ ەكىجاقتى اقپارات الماسۋ ارقىلى جۇزەگە اسىرىلادى.
15. اۋتەنتيفيكاتسيا بارىسىندا قاتە پايدا بولعاندا, تولەم جۇيەسىندە قاتە تۋرالى حابار شىعادى جانە بايلانىس ۇزىلەدى.
16. تولەم جۇيەسىن پايدالانۋشىنىڭ جۇمىس ورنىندا TCP (IP) حاتتاماسى بويىنشا ورتالىقتىڭ تولەم جۇيەسىن پايدالانۋشىنىڭ جۇمىس ىستەۋىن قامتاماسىز ەتەتىن قولدانبالى سەرۆەرلەرىمەن قوسۋدى قامتاماسىز ەتۋگە قاجەتتى قۇرالدار بولادى.
17. تولەم جۇيەسىن پايدالانۋشى مەن دەرەكتەردى بەرۋ ارناسىن قامتاماسىز ەتەتىن زاڭدى تۇلعا اراسىندا جاسالاتىن شارت تولەم جۇيەسىمەن ءوزارا ءىس-قيمىل جاساۋ ءۇشىن پايدالانىلادى جانە وسىنداي دەرەكتەر بەرۋ ارناسىنىڭ جۇمىسىندا ىركىلىستەر بولعان كەزدە جاۋاپكەرشىلىكتى كوزدەيدى.
4-تاراۋ. تولەم جۇيەسىنىڭ تەرمينالى
18. تولەم جۇيەسىنىڭ تەرمينالى تولەم جۇيەسىنىڭ حابارلارىن قابىلداپ, وتكىزۋدى جۇزەگە اسىرادى جانە (نەمەسە) تولەم جۇيەسىن پايدالانۋشى ونى پايدالانۋعا مىندەتتى.
19. تولەم جۇيەسىنىڭ تەرمينالى تولەم جۇيەسىنىڭ حابارلارىن تولەم جۇيەسىندە قولدانىلاتىن حابارلامالار الماسۋ راسىمدەرىنە جانە فورماتتارىنا سايكەس وڭدەيدى.
20. تولەم جۇيەسىنىڭ تەرمينالى مىناداي فۋنكتسيالاردى ورىندايدى:
1) تولەم جۇيەسىن پايدالانۋشى مەن ورتالىقتى اۋتەنتيفيكاتسيالاۋ;
2) ورتالىقتىڭ كۋالاندىراتىن ورتالىعىمەن ءوزارا ءىس-قيمىلدى;
3) بەرىلەتىن جانە الىناتىن اقپاراتتىڭ كونفيدەنتسيالدىلىعىن جانە اۋتەنتيفيكاتسيالانۋىن قامتاماسىز ەتۋدى;
4) حابارلاردى تولەم جۇيەسىن پايدالانۋشىدان ورتالىققا جانە ورتالىقتان تولەم جۇيەسىن پايدالانۋشىعا بەرۋدى جانە (نەمەسە) قابىلداۋدى;
5) الىنعان تولەم جۇيەسى حابارلارىنىڭ تۇتاستىعىن تەكسەرۋدى;
6) تولەم جۇيەسى تەرمينالىنىڭ تۇتاستىعىن تەكسەرۋدى;
7) نەگىزگى اقپاراتتى قولدانۋدى;
8) حابارلاردىڭ ەلەكتروندىق تسيفرلىق قولتاڭبالارىن قالىپتاستىرۋ جانە تەكسەرۋدى;
9) حاباردىڭ ەلەكتروندىق تسيفرلىق قولتاڭباسىنىڭ تولەم جۇيەسىن پايدالانۋشىعا نەمەسە ونى قويۋعا ۋاكىلەتتى ورتالىققا تيەسىلى ەكەنىن تەكسەرۋدى.
21. تولەم جۇيەسىنىڭ تەرمينالى تولەم جۇيەسىن پايدالانۋشىنىڭ جۇمىس ورنى وپەراتورلارى مەن باسقارۋشىلارىنىڭ مىناداي نەگىزگى وقيعالارى مەن ءىس-ارەكەتتەرىن:
1) تولەم جۇيەسىنىڭ تەرمينالىن اشۋدىڭ جانە جابۋدىڭ ۋاقىتى مەن كۇنىن;
2) ورتالىقپەن قوسۋدىڭ جانە ورتالىقتان اجىراتۋدىڭ ۋاقىتى مەن كۇنىن;
3) تولەم جۇيەسى وپەراتورلارى مەن باسقارۋشىلارىنىڭ تولەم جۇيەسىنىڭ حابارلارى بويىنشا جۇرگىزەتىن ءىس-ارەكەتتەرىنىڭ باستالۋ ۋاقىتى مەن اياقتالۋ ۋاقىتىن, جاسالعان ءىس-ارەكەتتەردىڭ سيپاتىن تىركەيتىن ەلەكتروندىق جۋرنالداردى جۇرگىزۋدى قامتاماسىز ەتەدى.
22. تولەم جۇيەسىن پايدالانۋشىنىڭ جۇمىس ورنى وپەراتورلارى مەن باسقارۋشىلارىنىڭ تولەم جۇيەسىنىڭ تەرمينالىنا نە ونىڭ قوسىمشاسىنا كىرۋدى سايكەستەندىرۋ جانە اۋتەنتيفيكاتسيالاۋ تابىستى ورىندالعاننان كەيىن قامتاماسىز ەتەدى.
23. تولەم جۇيەسىنىڭ تەرمينالىن ىسكە قوسۋ تولەم جۇيەسى تەرمينالىنىڭ ۇزدىكسىز جۇمىسىن قامتاماسىز ەتەتىن تەحنيكالىق قۇرالداردى پايدالانۋ ارقىلى جۇزەگە اسىرىلادى جانە تولەم جۇيەسىنىڭ تەرمينالىنا ارنالعان قۇجاتتامادا كورسەتىلگەن تالاپتارعا سايكەس كەلەدى.
24. تولەم جۇيەسىنىڭ تەرمينالى نە ونىڭ قوسىمشاسى وسى ماقساتتار ءۇشىن ارنايى بولىنگەن, ەسەپكە الىناتىن تۇگەندەۋ ءنومىرى (سەرۆەردە) جانە وعان ورناتىلعان كونفيگۋراتسيا, اپپاراتتىق جانە باعدارلامالىق قۇرالدار بويىنشا جان-جاقتى دەرەكتەر بەرەتىن پاسپورتى بار دەربەس كومپيۋتەردە ورناتىلادى.
25. تولەم جۇيەسىنىڭ تەرمينالىن نەمەسە ونىڭ قوسىمشاسىن باسقارۋ تولەم جۇيەسىن پايدالانۋشىنىڭ جۇمىس ورنىنان تىكەلەي جانە تولەم جۇيەسىن پايدالانۋشىنىڭ جۇمىس ورنى قاۋىپسىزدىك وفيتسەرىنىڭ قاتىسۋىمەن جۇزەگە اسىرىلادى.
26. تولەم جۇيەسىنىڭ تەرمينالىمەن جۇمىس ىستەۋ تولەم جۇيەسىن پايدالانۋشىنىڭ جۇمىس ورنىنان جۇزەگە اسىرىلادى. تولەم جۇيەسىن پايدالانۋشىنىڭ جۇمىس ورنىندا قاشىقتىقتان كىرۋ جۇيەلەرىن ورناتۋعا جانە پايدالانۋعا جول بەرىلمەيدى. تولەم جۇيەسىن پايدالانۋشىنىڭ جۇمىس ورنىنا ورناتىلعان قاشىقتان كىرۋ قىزمەتتەرى الىنادى نەمەسە اجىراتىلادى.
27. تولەم جۇيەسى تەرمينالىنىڭ دۇرىس جۇمىس ىستەمەي, تولەم جۇيەسىن پايدالانۋشى نەمەسە ورتالىق زيان شەگۋى مۇمكىن بولاتىن جاعداي انىقتالعاندا, سوڭعىسى ءبىر مەزگىلدە تولەم جۇيەسىن پايدالانۋشىنى حاباردار ەتە وتىرىپ, ءتيىستى سەبەپتەردى كورسەتىپ, تولەم جۇيەسىنىڭ وسى تەرمينالىنا كىرۋدى جابادى.
28. اقپاراتتى كريپتوگرافيالىق قورعاۋ قۇرالىن پايدالانۋ تولەم جۇيەسىن پايدالانۋشىنى تولەم جۇيەسىنە قوسۋدىڭ تالابى بولىپ تابىلادى, ول مىنالاردى:
1) ەلەكتروندىق تسيفرلىق قولتاڭبانى قالىپتاستىرۋ جانە تەكسەرۋ تەتىگىن;
2) اقپاراتتىڭ كونفيدەنتسيالدىلىعىن (دەرەكتەردى شيفرلەۋدى);
3) بەرىلەتىن اقپاراتتىڭ تۇتاستىعىن (دەرەكتەردى يميتاتسيالىق قورعاۋدى);
4) ساقتالاتىن اقپاراتتىڭ جانە باعدارلامالىق قامتاماسىز ەتۋدىڭ تۇتاستىعىن (حەشتەلگەن دەرەكتەردى) قامتاماسىز ەتەدى.
5-تاراۋ. نەگىزگى اقپارات
29. پايدالانۋشى نەگىزگى اقپاراتتى ورتالىقتىڭ كۋالاندىراتىن ورتالىعىندا تىركەيدى.
30. نەگىزگى اقپارات سىرتقى تاسىمالداعىشتا بولادى. نەگىزگى اقپارات بار تاسىمالداعىشقا كىرۋ تەك تولەم جۇيەسىن پايدالانۋشىنىڭ جۇمىس ورنىنىڭ وپەراتورلارىنا عانا بەرىلەدى.
31. نەگىزگى اقپارات تولەم جۇيەسىنىڭ تەرمينالىنا تەك قانا سىرتقى تاسىمالداعىشتان جۇكتەلەدى. نەگىزگى اقپاراتتىڭ رۇقسات ەتىلمەگەن كوشىرمەلەرىنىڭ, ونىڭ ىشىندە تولەم جۇيەسىن پايدالانۋشىنىڭ جۇمىس ورنىنداعى قاتتى ديسكىدە بولۋىنا جول بەرىلمەيدى.
32. نەگىزگى اقپاراتى بار سىرتقى تاسىمالداعىشتاردى ساقتاۋ جانە پايدالانۋ ءتارتىبى بويىنشا ولارعا رۇقساتسىز كىرۋ مۇمكىندىگى بولمايدى.
33. نەگىزگى اقپاراتقا كىرۋگە رۇقساتى بار تۇلعالار تولەم جۇيەسىمەن جۇمىس ناتيجەسىندە الىنعان اقپاراتتىڭ ساقتالۋىنا جانە جاريا بولماۋىن قامتاماسىز ەتەدى.
34. نەگىزگى اقپاراتتى جوسپارلى تۇردە اۋىستىرۋ كەم دەگەندە جىلىنا ءبىر رەت جۇزەگە اسىرىلادى.
35. نەگىزگى اقپاراتى بار سىرتقى تاسىمالداعىشتار نەگىزگى اقپاراتى بار سىرتقى تاسىمالداعىشتاردى ساقتاۋعا جاۋاپتى قىزمەتكەرلەردىڭ ءۇي-جايىندا ورنالاسقان بەكىتىلەتىن قۇرىلعىمەن جابدىقتالعان سەيفتە ساقتالادى. نەگىزگى اقپارات پايدالانىلماعان جاعدايدا نەگىزگى اقپاراتى بار سىرتقى تاسىمالداعىشتار سەيفتەردە بولادى.
36. نەگىزگى اقپاراتقا كىرۋگە رۇقساتى بار قىزمەتكەرلەر جۇمىستان بوساتىلعان نەمەسە نەگىزگى اقپاراتقا رۇقساتسىز كىرۋگە ارەكەتتەنگەندىگى انىقتالعان جاعدايلاردا نەگىزگى اقپاراتتى جوسپاردان تىس اۋىستىرۋ جۇزەگە اسىرىلادى. جاڭا نەگىزگى اقپارات نەگىزگى اقپاراتقا كىرۋگە رۇقساتى بار قىزمەتكەر جۇمىستان بوساتىلعان كۇننەن كەشىكتىرىلمەي نە نەگىزگى اقپاراتقا رۇقساتسىز كىرۋگە ارەكەتتەنگەندىگى انىقتالعان كۇننەن كەشىكتىرىلمەي قولدانىسقا ەنگىزىلەدى.
پايدالانۋشى جاڭا نەگىزگى اقپاراتتى ورتالىقتىڭ كۋالاندىراتىن ورتالىعىندا تىركەيدى.
37. نەگىزگى اقپاراتى بار سىرتقى تاسىمالداعىشتاردى ساقتاۋ جانە كۇتۋ جونىندەگى راسىمدەر ءوندىرۋشىنىڭ ۇسىنىمدارىنا سايكەس جۇزەگە اسىرىلادى.
38. تولەم جۇيەسىن پايدالانۋشى ەسكىرگەن نەگىزگى اقپاراتتى وسى نەگىزگى اقپارات پايدالانىلا وتىرىپ قول قويىلعان نەمەسە شيفرلەنگەن ەلەكتروندىق قۇجاتتاردىڭ ساقتالۋ مەرزىمى ىشىندە ساقتايدى.
39. تولەم جۇيەسىن پايدالانۋشىعا:
1) نەگىزگى اقپاراتتىڭ رۇقسات ەتىلمەگەن كوشىرمەلەرىن الۋعا;
2) نەگىزگى اقپاراتقا رۇقساتى جوق ادامداردى ونىمەن تانىستىرۋعا نەمەسە ونى بەرۋگە;
3) نەگىزگى اقپاراتتى ديسپلەيگە نەمەسە پرينتەرگە شىعارۋعا;
4) نەگىزگى اقپاراتى بار سىرتقى تاسىمالداعىشتى ونىڭ ءوندىرۋشىسى بەلگىلەگەن جۇمىس ىستەۋ تالاپتارىندا كوزدەلمەگەن رەجيمدەردە پايدالانۋعا;
5) نەگىزگى اقپاراتى بار سىرتقى تاسىمالداعىشقا بوتەن اقپارات جازۋعا;
6) بوتەن نەگىزگى اقپاراتتى پايدالانۋعا جول بەرىلمەيدى.
6-تاراۋ. تولەم جۇيەسىن پايدالانۋشىنىڭ جۇمىس ورنىنا قويىلاتىن تالاپتار
40. تولەم جۇيەسىن پايدالانۋشىنىڭ جۇمىس ورنىندا رۇقساتسىز كىرۋدەن قورعايتىن باعدارلامالىق-اپپاراتتىق كەشەن ورناتىلادى, وعان پايدالانۋشىنى اۋتەنتيفيكاتسيالاۋ قۇرالدارى, تولەم جۇيەسىن پايدالانۋشىنىڭ جۇمىس ورنىنا كىرۋىنە جانە پايدالانۋشىلاردىڭ ءىس-ارەكەتتەرىنە بايلانىستى وقيعالاردى باقىلاۋ ماقساتىندا تولەم جۇيەسىنىڭ ەلەكتروندىق قۇجاتتارىن ساقتاۋ مەرزىمى ىشىندە ەلەكتروندىق جۋرنالدار جۇرگىزۋ مۇمكىندىگى كىرەدى.
41. تولەم جۇيەسىن پايدالانۋشىنىڭ جۇمىس ورنىنا زيان كەلتىرەتىن باعدارلامالىق كودتى جانە (نەمەسە) باعدارلامانى تاباتىن قۇرالدارى ورناتىلادى. جۇقتىرۋ فاكتىسى انىقتالعان جاعدايدا بۇل اقپارات تولەم جۇيەسىن پايدالانۋشىنىڭ قاۋىپسىزدىك بولىمشەسىنە دەرەۋ حابارلانادى.
42. تولەم جۇيەسىن پايدالانۋشىنىڭ جۇمىس ورنىنا تالاپتاردا كوزدەلمەگەن جانە تولەم جۇيەسى شەڭبەرىندەگى ەلەكتروندىق قۇجاتتاردى دايىنداۋ, وڭدەۋ, وتكىزۋ نەمەسە جۇرگىزۋ جونىندەگى مىندەتتەردى شەشۋگە ارنالماعان اپپاراتتىق جانە باعدارلامالىق قۇرالداردى ورناتۋعا جول بەرىلمەيدى.
43. تولەم جۇيەسىمەن جۇمىس ىستەۋگە رۇقسات بەرىلگەن ادامنىڭ, وسى ادام تولەم جۇيەسىن پايدالانۋشىنىڭ اقپاراتتىق جۇيەلەرىنە كىرەتىن كەزدە سايكەستەندىرىلەتىن ءبىر جۇيەلىك اتىنا ءبىر جەكە تۇلعا سايكەس كەلەدى.
44. تولەم جۇيەسىن پايدالانۋشىنىڭ جۇمىس ورنىنىڭ جۇيەلىك بلوگى ستيكەردە نەمەسە پلومبادا سوڭعى ءمور باسىلعان نەمەسە پلومبالانعان كۇنىن جانە دەربەس كومپيۋتەر ەسەپكە الىناتىن تۇگەندەۋ ءنومىرى كورسەتىلىپ, ءمور باسىلادى نەمەسە پلومبالانادى.
45. تولەم جۇيەسىن پايدالانۋدىڭ جۇمىس ورنىنا كىرۋدى قامتاماسىز ەتەتىن تەحنيكالىق قۇرالداردى, پارولدەردى نەمەسە باسقا اقپاراتتى ساقتاۋ جانە پايدالانۋ ءتارتىبى ولاردى رۇقساتسىز پايدالانۋ مۇمكىندىگىنە جول بەرمەيدى.
46. تولەم جۇيەسىن پايدالانۋشىنىڭ جۇمىس ورنىن رۇقساتسىز كىرۋدەن قورعاۋ قۇرالدارىن ورناتۋ جانە تەڭشەلۋىن وزگەرتۋ قۇقىعى تەك تولەم جۇيەسىن پايدالانۋشىنىڭ جۇمىس ورنى قاۋىپسىزدىگى وفيتسەرىنىڭ فۋنكتسيالارىن ورىندايتىن قىزمەتكەرلەرگە عانا بەرىلەدى.
47. تولەم جۇيەسىنە اقپارات وتكىزۋگە, تولەم جۇيەسىنەن اقپارات الۋعا, اقپاراتتى ساقتاۋعا, مۇراعاتتاۋعا نە باسقاداي وڭدەۋگە اقپارات جيناقتاۋ ءۇشىن بولىنگەن رەسۋرستارعا (ديسكىلىك كەڭىستىك, ديرەكتوريلەر, جەلىلىك رەسۋرستار, دەرەكتەر بازالارى) كىرۋ ءتارتىبى بويىنشا وسى رەسۋرستارمەن جۇمىس ىستەۋگە رۇقسات ەتىلمەگەن ادامداردىڭ ولارعا كىرۋ مۇمكىندىگىنە جول بەرىلمەيدى.
48. تولەم جۇيەسىن پايدالانۋشىنىڭ جۇمىس ورنىنا جەلى جانە دەرەكتەر وتكىزۋدىڭ وزگە دە تەحنيكالىق ارنالارىنىڭ كومەگىمەن كىرۋ ءتارتىبى رۇقساتسىز كىرۋ مۇمكىندىگىنە جول بەرمەيدى.
49. تولەم جۇيەسىن پايدالانۋشىنىڭ جۇمىس ورنى ەلەكتر جەلىسىندە توك بولماعان كەزدە جۇيەدەگى جۇمىستى دۇرىس اياقتاۋعا قاجەتتى ۋاقىت, بىراق كەمىندە وتىز مينۋت ىشىندە دەربەس كومپيۋتەردىڭ جۇمىس ىستەۋىنە مۇمكىندىك جاسايتىن ۇزدىكسىز ەلەكتر قۋاتىن بەرەتىن تەحنيكالىق قۇرالدارمەن جابدىقتالادى.
50. تولەم جۇيەسىن پايدالانۋشى مەن ورتالىقتىڭ اراسىنداعى بايلانىستى جۇزەگە اسىراتىن باعدارلامالىق قامتاماسىز ەتۋگە, تولەم جۇيەسىن پايدالانۋشىنىڭ جۇمىس ورنىنا رۇقساتسىز كىرۋدەن قورعايتىن باعدارلامالىق-اپپاراتتىق كەشەنگە, سونداي-اق تولەم جۇيەسىن پايدالانۋشىنىڭ اقپاراتتىق جۇيەسىندە دايىندالعان ەلەكتروندىق قۇجاتتاردى تولەم جۇيەسىن پايدالانۋشىنىڭ جۇمىس ورنىنىڭ وتكىزۋ تەحنولوگياسىنا وزگەرىستەر ەنگىزىلگەن جاعدايدا, تولەم جۇيەسىن پايدالانۋشى وزگەرىس ەنگىزىلگەن كۇننەن باستاپ ون جۇمىس كۇنى ىشىندە بۇل جونىندە ۇلتتىق بانككە ەرىكتى جازباشا نىساندا حاباردار ەتەدى.
7-تاراۋ. قىزمەت كورسەتەتىن قىزمەتكەرلەردىڭ جۇمىسىن ۇيىمداستىرۋ
51. تولەم جۇيەسىمەن جۇمىس ىستەۋگە رۇقسات ەتىلگەن ادامدار مىناداي ساناتتارعا بولىنەدى:
1) تولەم جۇيەسىن پايدالانۋشىنىڭ جۇمىس ورنىن باسقارۋشى;
2) تولەم جۇيەسىن پايدالانۋشىنىڭ جۇمىس ورنىنىڭ وپەراتورى;
3) تولەم جۇيەسىن پايدالانۋشىنىڭ جۇمىس ورنىنىڭ قاۋىپسىزدىك وفيتسەرى.
52. قىزمەت كورسەتەتىن قىزمەتكەرلەردىڭ جۇمىسىن ۇيىمداستىرۋ كەزىندە تولەم جۇيەسىنىڭ تەرمينالى نە ونىڭ قوسىمشاسى ارقىلى مت 100 جانە (نەمەسە) مت 102 فورماتىندا تولەم حابارلارىن جاساۋ فۋنكتسياسى بولعان كەزدە ءبىر ادامنىڭ تالاپتاردىڭ 51-تارماعىندا كورسەتىلگەن ءارتۇرلى ادامدار ساناتتارىنىڭ فۋنكتسيالارىن (تولىق نەمەسە ءىشىنارا) اتقارۋىنا جول بەرىلمەيدى.
53. تولەم جۇيەسىن پايدالانۋشى مىناداي ىشكى تىركەۋ جۋرنالدارىن جۇرگىزۋدى جۇزەگە اسىرادى:
1) تولەم جۇيەسىمەن جۇمىس ىستەۋگە رۇقسات بەرىلمەگەن ادامداردىڭ ءۇي-جايعا كەلۋ جۋرنالىن, وندا مىنالار كورسەتىلەدى:
كەلۋشى كىرگەن جانە شىققان كۇنى, ۋاقىتى مەن كەلۋ ماقساتى;
كەلۋشىنىڭ تەگى جانە قولى;
تولەم جۇيەسىمەن جۇمىس ىستەۋگە رۇقسات بەرىلگەن ادامداردىڭ قاتارىنان بىرگە ىلەسىپ جۇرەتىن ادامنىڭ تەگى مەن قولى;
2) نەگىزگى اقپاراتتى پايدالانۋ جۋرنالى, وندا مىنالار كورسەتىلەدى:
نەگىزگى اقپاراتتى پايدالانۋدى باستاۋ جانە اياقتاۋ كۇنى, ۋاقىتى;
نەگىزگى اقپاراتتى پايدالاناتىن ادامنىڭ تەگى جانە قولى;
اۋىستىرۋ سەبەبى كورسەتىلگەن نەگىزگى اقپاراتتى اۋىستىرۋ كۇنى;
3) تولەم جۇيەسىن پايدالانۋشىنىڭ جۇمىس ورنىنىڭ جۇيەلىك بلوگىن پلومبالاۋ جانە پلومبالار مەن مورلەردىڭ بۇتىندىگىن تەكسەرۋ جۋرنالى, وندا مىنالار كورسەتىلەدى:
پلومبالاۋدىڭ نەمەسە پلومبالاردىڭ نەمەسە مورلەردىڭ بۇتىندىگىن تەكسەرۋ كۇنى مەن ۋاقىتى;
پلومبالاۋدى نەمەسە پلومبالاردىڭ نەمەسە مورلەردىڭ بۇتىندىگىن تەكسەرۋدى جۇزەگە اسىرعان ادامنىڭ تەگى جانە قولى;
پلومبالاۋدىڭ نەمەسە پلومبالاردىڭ نەمەسە مورلەردىڭ بۇتىندىگىن تەكسەرۋدىڭ سەبەپتەرى;
سۇرگى سالۋ نىساندارى جانە سۇرگى سالۋعا ارنالعان پلومبانىڭ نەمەسە ستيكەردىڭ ماتەريالى.
54. تالاپتاردىڭ 53-تارماعىندا كورسەتىلگەن ىشكى تىركەۋ جۋرنالدارى نومىرلەنەدى, تىگىلەدى جانە تولەم جۇيەسىن پايدالانۋشىنىڭ مورىمەن (ول بار بولسا) بەكىتىلەدى. ىشكى تىركەۋ جۋرنالدارىنداعى قاتە جازبالار تۇزەتىلۋگە ءتيىس جانە تولەم جۇيەسىمەن جۇمىس ىستەۋگە رۇقسات بەرىلگەن جاۋاپتى ادامنىڭ قولىمەن راستالادى.
55. تولەم جۇيەسىن پايدالانۋشى تالاپتاردىڭ 53-تارماعىندا كورسەتىلگەن ىشكى تىركەۋ جۋرنالدارىن سوڭعى جازبا جاسالعان كۇننەن باستاپ كەمىندە ءبىر جىل ساقتايدى.
56. تولەم جۇيەسىن پايدالانۋشىنىڭ ىشكى قۇجاتتارىندا مىنالار ايقىندالادى:
1) جۇمىس پەن ۇزىلىستەردىڭ ۋاقىتىن, دەمالىس جانە مەرەكە كۇندەرىندەگى جۇمىس ءتارتىبىن, سونداي-اق تولەم جۇيەسىنىڭ وپەراتسيالىق كۇنى ۇزارتىلعان جاعدايلاردى كورسەتە وتىرىپ, تولەم جۇيەسىمەن جۇمىس ىستەۋ رەجيمى;
2) ءاربىر قىزمەتكەر بويىنشا:
تولەم جۇيەسىن پايدالانۋشى جۇمىس ورنىنىڭ باسقارۋشىسى, وپەراتورى نەمەسە قاۋىپسىزدىك وفيتسەرى;
تولەم جۇيەسىنە بەرىلگەن جانە تولەم جۇيەسىنەن الىنعان ەلەكتروندىق قۇجاتتاردى مۇراعاتتاۋ جانە ساقتاۋ;
تولەم جۇيەسىن پايدالانۋشىنىڭ جۇيەلىك بلوگىندا مورلەردىڭ نەمەسە پلومبالاردىڭ بۇتىندىگىنىڭ مونيتورينگى بويىنشا ورىندايتىن فۋنكتسيالارىن كورسەتە وتىرىپ, تولەم جۇيەسىمەن جۇمىس ىستەۋگە رۇقسات بەرىلگەن قىزمەتكەرلەردىڭ (لاۋازىمى, تەگى جانە ينيتسيالدارى كورسەتىلگەن) ءتىزىمى;
3) قول جەتكىزۋ دەڭگەيى مەن ورىندايتىن فۋنكتسيالارىن كورسەتە وتىرىپ, تالاپتاردىڭ 47-تارماعىندا كورسەتىلگەن رەسۋرستارعا كىرۋگە رۇقساتى بار قىزمەتكەرلەردىڭ (لاۋازىمى, تەگى جانە ينيتسيالدارى كورسەتىلگەن) ءتىزىمى;
4) كىرۋگە رۇقسات بەرۋ ماقساتتارى كورسەتىلە وتىرىپ, جەلى جانە دەرەكتەردى بەرۋدىڭ وزگە دە تەحنيكالىق ارنالارى ارقىلى تولەم جۇيەسىن پايدالانۋشىنىڭ جۇمىس ورنىنا كىرۋگە رۇقساتى بار قىزمەتكەرلەردىڭ (لاۋازىمى, تەگى جانە ينيتسيالدارى كورسەتىلگەن) جانە رەسۋرستاردىڭ ءتىزىمى;
5) تولەم جۇيەسىنە بەرىلگەن جانە تولەم جۇيەسىنەن الىنعان ەلەكتروندىق قۇجاتتاردى ساقتاۋدىڭ تالاپتارى, مەرزىمدەرى جانە ورىندارى سونداي-اق وسى مۇراعاتتارعا كىرۋدىڭ ءتارتىبى كورسەتىلە وتىرىپ, ولاردى مۇراعاتتاۋدىڭ جانە ودان ءارى ساقتاۋدىڭ ءتارتىبى;
6) تەحنيكالىق قۇرالداردى, پارولدەردى نەمەسە تولەم جۇيەسىن پايدالانۋشىنىڭ جۇمىس ورنىنا كىرۋدى قامتاماسىز ەتەتىن باسقا دا اقپاراتتى ساقتاۋ تالاپتارى مەن ورىندارىن, ولارعا كىرۋ راسىمدەرىن جانە اۋىستىرۋ مەرزىمدەرىن كورسەتە وتىرىپ, ولاردى ساقتاۋ جانە پايدالانۋ ءتارتىبى;
7) تولەم جۇيەسىن پايدالانۋشىنىڭ اقپاراتتىق جۇيەسىندە دايىندالعان ەلەكتروندىق قۇجاتتاردى تولەم جۇيەسىن پايدالانۋشىنىڭ جۇمىس ورنىنا بەرۋ ءتارتىبى;
8) تولەم جۇيەسىن پايدالانۋشىنىڭ جۇمىس ورنىندا ورناتىلعان, رۇقساتسىز كىرۋدەن قورعايتىن باعدارلامالىق-اپپاراتتىق كەشەنمەن جانە باعدارلامالىق قامتاماسىز ەتۋدىڭ تۇتاستىعىن قامتاماسىز ەتۋ قۇرالدارىمەن جۇمىس ىستەۋ ءتارتىبى;
9) تولەم جۇيەسى تەرمينالىمەن جۇمىس ىستەۋ ءتارتىبى مەن راسىمدەرى;
10) ءبىر ارنادان باسقاسىنا ءوتۋ جاعدايلارى مەن راسىمدەرىن كورسەتە وتىرىپ, دەرەكتەر وتكىزۋدىڭ نەگىزگى جانە رەزەرۆتىك ارنالارىمەن جۇمىس ىستەۋ ءتارتىبى.
57. تولەم جۇيەلەرىن پايدالانۋشى تولەم جۇيەسىندە جۇمىس ىستەۋگە جىبەرىلگەن قىزمەتكەرلەردەن تولەم جۇيەسىن پايدالانۋشىنىڭ جۇمىس ورنىنا كىرۋدى قامتاماسىز ەتەتىن پارولدەردى نەمەسە باسقا اقپاراتتى, سونداي-اق كونفيدەنتسيالدى جانە نەگىزگى اقپاراتتى جاريا ەتپەۋ جانە تاراتپاۋ تۋرالى ارنايى مىندەتتەمە الادى.
58. قاۋىپسىزدىككە قاتىستى اعىمداعى جانە جەدەل ماسەلەلەردى شەشۋ قاجەت بولعاندا, تولەم جۇيەسىن پايدالانۋشىنىڭ جۇمىس ورنىنىڭ وپەراتورى مەن قاۋىپسىزدىك وفيتسەرى تولەم جۇيەسىنىڭ قاۋىپسىزدىگى بولىمشەسىمەن ءوزارا ءىس-ارەكەت جاسايدى.
8-تاراۋ. وپەراتسيالىق تاۋەكەلدى باسقارۋعا جانە تولەم جۇيەسىن پايدالانۋشى
قىزمەتىنىڭ ۇزدىكسىزدىگىن قامتاماسىز ەتۋگە قويىلاتىن تالاپتار
59. وپەراتسيالىق تاۋەكەلدى باسقارۋ ماقساتىندا تولەم جۇيەسىن پايدالانۋشى مىنالاردى:
1) وپەراتسيالىق تاۋەكەلدى باسقارۋ ادىستەرىن;
2) تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىنىڭ جۇمىس ىستەۋ ساپاسى مەن سەنىمدىلىگىن باعالاۋ ءتارتىبىن;
3) تولەم جۇيەسىن پايدالانۋشى قىزمەتىنىڭ ۇزدىكسىزدىگىن قامتاماسىز ەتۋ جوسپارىن ايقىندايتىن ىشكى قۇجاتتاردى جۇرگىزۋدى قامتاماسىز ەتەدى.
60. تولەم جۇيەسىن پايدالانۋشى ستاندارتتى ەمەس جاعدايلاردا تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىنىڭ جۇمىسىن قالپىنا كەلتىرۋ ءۇشىن, تولەم جۇيەسىن پايدالانۋشىنىڭ جۇمىس ورنىنا جانە ونىڭ ورنالاستىرۋعا, تولەم جۇيەسىنىڭ تەرمينالىنا, ورتالىقپەن ءوزارا ءىس-قيمىل جاساۋعا, نەگىزگى اقپاراتتى پايدالانۋ جانە ساقتاۋ تارتىبىنە, قىزمەت كورسەتەتىن قىزمەتكەرلەردىڭ جۇمىستارىنىڭ ۇيىمداستىرىلۋىنا قويىلاتىن تالاپتاردى قوسا العاندا, تالاپتاردىڭ 2, 3, 4, 5, 6, 7 جانە وسى تاراۋلارىندا بەلگىلەنگەن تالاپتارعا سايكەس كەلەتىن رەزەرۆتىك ورتالىقتىڭ جۇمىس ىستەۋىن قامتاماسىز ەتەدى.
61. تولەم جۇيەسىن پايدالانۋشى ورتالىقتىڭ تولەم جۇيەسىمەن كوممۋنيكاتسيالاۋدىڭ (دەرەكتەر بەرۋدىڭ) رەزەرۆتىك ارناسىنىڭ جۇمىس ىستەۋىن قامتاماسىز ەتەدى. كوممۋنيكاتسيانىڭ رەزەرۆتىك ارناسىن تولەم جۇيەسىنىڭ رەزەرۆتىك جانە (نەمەسە) نەگىزگى ورتالىعىنىڭ جەلىلىك (كوممۋنيكاتسيالىق) جابدىعىنا قوسۋ مۇمكىندىگى قاراستىرىلادى.
62. تولەم جۇيەسىن پايدالانۋشى قىزمەتىنىڭ ۇزدىكسىزدىگىن قامتاماسىز ەتۋ جوسپارىندا مىناداي نەگىزگى تالاپتار قامتىلادى:
1) رەزەرۆتىك ورتالىقتىڭ ورنالاسقان جەرى;
2) ستاندارتتى ەمەس جاعدايدىڭ تۋىنداعانى تۋرالى, ونىڭ رەتتەۋ ناتيجەلەرى تۋرالى تولەم جۇيەسىن پايدالانۋشىنىڭ باسشىلىعىن جانە ۇلتتىق بانكتى حاباردار ەتۋ ءتارتىبى;
3) رەزەرۆتىك ورتالىقتا قالپىنا كەلتىرۋ تالاپ ەتىلەتىن, پايدالانۋشىنىڭ ورتالىقتىڭ تولەم جۇيەسىمەن جۇمىس ىستەۋىن قامتاماسىز ەتەتىن تەحنيكالىق, باعدارلامالىق نەمەسە باسقا دا قۇرالداردىڭ تىزبەسى;
4) رەزەرۆتىك ورتالىقتا پايدالانىلاتىن, تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىنىڭ جۇمىس ىستەۋىن قىزمەتكەرلەردىڭ جۇمىسىن قولداۋعا ارنالعان تىنىس-تىرشىلىكتى قامتاماسىز ەتۋ جۇيەلەرىنىڭ (ەلەكترمەن جابدىقتاۋ, جىلۋ, جەلدەتكىش, سۋمەن جابدىقتاۋ, كارىز, ءورت ءسوندىرۋ جانە ءورت دابىلى, عيماراتتاردى كۇزەتۋ) تىزبەسى;
5) تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىن رەزەرۆتىك ورتالىققا قايتالاۋ جانە رەزەرۆتەۋ ءتارتىبى;
6) رەزەرۆتىك ورتالىقتا قالپىنا كەلتىرۋگە جاتاتىن تولەم جۇيەسىن پايدالانۋشىنىڭ بيزنەس-پروتسەستەرى;
7) ءاربىر بيزنەس-پروتسەسس بويىنشا تولەم جۇيەسىن پايدالانۋشىنىڭ قالپىنا كەلتىرۋ كوماندالارىنىڭ, ولاردىڭ رەزەرۆتىك ورتالىقتىڭ جۇمىسىنا اۋىسقان كەزدەگى ءىس-قيمىلدارىنىڭ ءتارتىبى سيپاتتالعان ءتىزىمى;
8) تولەم جۇيەسىن پايدالانۋشىنىڭ قالپىنا كەلتىرۋ كومانداسىنا جۇمىستى رەزەرۆتىك ورتالىققا اۋىستىرۋ جانە ونى رەزەرۆتىك ورتالىق ورنالاسقان جەرگە تاسىمالداۋ قاجەتتىگى تۋرالى حابارلاۋ ءتارتىبى;
9) سىرتقى ءوزارا ءىس-قيمىل جاساۋعا ارنالعان بايلانىس;
10) رەزەرۆتىك ورتالىقتىڭ جۇمىسىن تەستىلەۋدەن وتكىزۋ ءتارتىبى.
63. نەگىزگى ورتالىقتا ستاندارتتى ەمەس جاعداي تۋىنداعان كەزدە تولەم جۇيەسىن پايدالانۋشى:
1) تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىن رەزەرۆتىك ورتالىققا اۋىستىرۋدى قامتاماسىز ەتەدى.
تولەم جۇيەسىن پايدالانۋشىنىڭ باعدارلامالىق-تەحنيكالىق كەشەنىن رەزەرۆتىك ورتالىققا اۋىستىرۋ بويىنشا ستاندارتتى ۋاقىت ءنورماتيۆى ستاندارتتى ەمەس جاعداي تۋىنداعان ساتتەن باستاپ ءۇش ساعاتتان اسپايدى.
ستاندارتتى ۋاقىت ءنورماتيۆىن ساقتاۋعا مۇمكىندىك بولماعان كەزدە تولەم جۇيەسىن پايدالانۋشى ورتالىقتىڭ تولەم جۇيەسىنىڭ وپەراتسيالىق كۇنى اياقتالعانعا دەيىن تولەمدەر مەن اقشا اۋدارىمدارى بويىنشا قابىلدانعان مىندەتتەمەلەردى ورىنداۋ قاجەتتىگىن ەسكەرە وتىرىپ, تولەم جۇيەسىن پايدالانۋشىنىڭ جۇمىسىن رەزەرۆتىك ورتالىققا اۋىستىرۋ ءۇشىن قاجەتتى شارالاردى قابىلدايدى;
2) فاكسيميلدى بايلانىس قۇرالدارى ارقىلى ۇلتتىق بانككە باعدارلامالىق-تەحنيكالىق كەشەندى رەزەرۆتىك ورتالىققا اۋىستىرۋ شەشىمىنىڭ قابىلدانعاندىعى تۋرالى حاتتى كورسەتىلگەن شەشىم قابىلدانعاننان كەيىن ءۇش ساعاتتىڭ ىشىندە جىبەرەدى, كەلىسى جۇمىس كۇنى حاتتىڭ تۇپنۇسقاسىن ۇسىنادى;
3) فاكسيميلدى بايلانىس قۇرالدارى ارقىلى ۇلتتىق بانككە باعدارلامالىق-تەحنيكالىق كەشەندى رەزەرۆتىك ورتالىققا اۋىستىرۋ ناتيجەلەرى تۋرالى حاتتى اۋىستىرۋ جۇمىستارى اياقتالعاننان كەيىن ءۇش ساعات ىشىندە جىبەرەدى, كەلىسى جۇمىس كۇنى حاتتىڭ تۇپنۇسقاسىن ۇسىنادى;
4) فاكسيميلدى بايلانىس قۇرالدارى ارقىلى ۇلتتىق بانككە باعدارلامالىق-تەحنيكالىق كەشەندى قايتادان نەگىزگى ورتالىققا اۋىستىرۋ ناتيجەلەرى تۋرالى حاتتى اۋىستىرۋ جۇمىستارى اياقتالعاننان كەيىن ءۇش ساعات ىشىندە جىبەرەدى, كەلىسى جۇمىس كۇنى حاتتىڭ تۇپنۇسقاسىن ۇسىنادى.
64. تولەم جۇيەسىن پايدالانۋشى جىلىنا كەمىندە ءبىر رەت تولەم جۇيەسىن پايدالانۋشىنىڭ جۇمىسىن رەزەرۆتىك ورتالىقتى پايدالانۋعا جوسپارلى اۋىستىرۋ جولىمەن رەزەرۆتىك ورتالىقتىڭ جۇمىس ىستەۋىن تەستىلەۋدى جۇرگىزەدى. تولەم جۇيەسىن پايدالانۋشى ۇلتتىق بانككە جوسپارلانىپ وتىرعان تەستىلەۋ مەرزىمدەرى تۋرالى باعدارلامالىق تەحنيكالىق كەشەندى رەزەرۆتىك ورتالىققا جوسپارلى اۋىستىرۋ باستالعانعا دەيىن ون جۇمىس كۇنى بۇرىن جازباشا حابارلايدى.
تولەم جۇيەسىن پايدالانۋشى تەستىلەۋدىڭ ناتيجەلەرى تۋرالى مالىمەتتەردى, انىقتالعان پروبلەمالاردى (بار بولسا) جانە ولاردى جويۋ بويىنشا قابىلدانعان شارالار تۋرالى مالىمەتتەردى كورسەتە وتىرىپ, ۇلتتىق بانككە باعدارلامالىق-تەحنيكالىق كەشەندى رەزەرۆتىكتەن نەگىزگى ورتالىققا قايتارۋ بويىنشا ءىس-شارالار اياقتالعان كۇننەن كەيىنگى بەس جۇمىس كۇنى ىشىندە ۇسىنادى.
65. تولەم جۇيەسىن پايدالانۋشى وپەراتسيالىق تاۋەكەلدى باسقارۋ ادىستەرىن رەتتەيتىن قۇجاتتى جانە تولەم جۇيەسىن پايدالانۋشى قىزمەتىنىڭ ۇزدىكسىزدىگىن قامتاماسىز ەتۋ جوسپارىن وزەكتەندىرۋ قاجەتتىلىگى تۇرعىسىنان جىل سايىن تالداۋعا ءتيىس.
9-تاراۋ. قورىتىندى ەرەجەلەر
66. تولەم جۇيەسىن پايدالانۋشى مەن ورتالىقتىڭ اراسىندا تولەم جۇيەسىندە قىزمەت كورسەتۋ تۋرالى جاسالعان شارت بۇزىلعان (قولدانىلۋ مەرزىمى اياقتالعان) كەزدە ورتالىق بۇل تۋرالى ۇلتتىق بانككە شارت بۇزىلعان كۇننەن كەيىنگى كەلەسى جۇمىس كۇنىنەن كەشىكتىرمەي شارتقا سايكەس حابارلايدى.
67. ۇلتتىق بانك تالاپتاردىڭ 13 جانە 50-تارماقتارىندا كوزدەلگەن حابارلامانى العان كۇننەن باستاپ ون كۇندىك مەرزىم ىشىندە تولەم جۇيەسىن پايدالانۋشىنىڭ جۇمىس ورنىن تەكسەرۋ قاجەتتىگىنىڭ بار نە قاجەتتىگىنىڭ جوق ەكەندىگى تۋرالى شەشىم قابىلدايدى.
ەگەر تولەم جۇيەسىن پايدالانۋشىنىڭ قىزمەتىندە تالاپتاردىڭ بۇزىلعاندىعى انىقتالسا نە سوڭعى تەكسەرۋ ەكى جىلدان استام ۋاقىت ىشىندە جۇرگىزىلسە (جۇزەگە اسىرىلسا) تەكسەرۋ جۇرگىزۋگە رۇقسات ەتىلەدى.
ۇلتتىق بانك تەكسەرۋ جۇرگىزۋ (جۇزەگە اسىرۋ) تۋرالى شەشىم قابىلدانعان كۇننەن نە ءوتىنىش العان كۇننەن باستاپ ەكى اي ىشىندە تولەم جۇيەسىن پايدالانۋشىنىڭ جۇمىس ورنىنا تەكسەرۋ جۇرگىزەدى (جۇزەگە اسىرادى).
قاۋلى قازاقستان رەسپۋبليكاسىنىڭ ادىلەت مينيسترلىگىندە 2016 جىلعى 5 قازاندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №14289 بولىپ ەنگىزىلدى.
• 29 قازان, 2016
قازاقستان رەسپۋبليكاسى ۇلتتىق بانكى باسقارماسىنىڭ قاۋلىسى № 200
سوڭعى جاڭالىقتار
بالالارىنا ۆاكتسينا سالعىزۋدان باس تارتاتىندار كوبەيدى: سەبەبى نەدە؟
قوعام • بۇگىن, 16:55
ەلىمىزدە ءدارى-دارمەك باعاسى قىمباتتادى جانە تاپشىلىق بايقالۋدا: سەبەبى نەدە؟
قوعام • بۇگىن, 16:52
ايماقتار • بۇگىن, 16:42
قوستانايدا اۋىلشارۋاشىلىق تەحنيكالارىنىڭ كورمەسى ءوتتى
ايماقتار • بۇگىن, 16:30
Astana Team كومانداسى كاناداداعى حالىقارالىق ءتۋرنيردىڭ جەڭىمپازى اتاندى
حوككەي • بۇگىن, 16:25
ناشار تۇرمىس تەڭسىزدىكتەن تۋىندايدى
ەكونوميكا • بۇگىن, 16:11
«اتىراۋ» فۋتبول كلۋبى قانشا تەڭگەگە ساتىلۋى مۇمكىن؟
سپورت • بۇگىن, 16:10
ميحايل شايدوروۆ جالاقىسى تۋرالى مالىمدەگەن سپورت مينيسترلىگىنە رەنىشىن ءبىلدىردى
سپورت • بۇگىن, 16:01
AERC: جاڭا ۇيلەردىڭ باعاسى قىمباتتاۋى مۇمكىن
قوعام • بۇگىن, 15:47
2025 جىلى 83 اۋىل جويىلدى: ەلدى مەكەندەردىڭ ەرتەڭگى تاعدىرى قانداي؟
اۋىل • بۇگىن, 15:30
سپورتشىلار مەن ونەر مايتالماندارى اتا زاڭ جوباسىن قولداۋعا شاقىردى
اتا زاڭ • بۇگىن, 15:23
LRT-عا كاسسيرلەر كەرەك: CTS كومپانياسى ۇمىتكەرلەرگە قانداي تالاپ قويىپ وتىر؟
قوعام • بۇگىن, 15:18
پرەزيدەنت Air Astana كومپانياسىنىڭ باس اتقارۋشى ديرەكتورىن قابىلدادى
پرەزيدەنت • بۇگىن, 15:08
مەملەكەت باسشىسى Astana Team بالالار حوككەي كومانداسىن جەڭىسكە جەتۋىمەن قۇتتىقتادى
پرەزيدەنت • بۇگىن, 15:05
